Sub Editor, NowNext
“ആരോഗ്യം സര്‍വ്വധനാല്‍ പ്രധാനം” എന്നല്ലേ…?
ഈ പ്രാധാന്യത്തെ തിരിച്ചറിഞ്ഞ ഒരു കാലഘട്ടത്തിലാണ് ഇന്ന് നമ്മളുള്ളത്. അത് കൊണ്ട് തന്നെ ഫിസിക്കൽ എഡ്യൂക്കേഷൻ എന്നത് ദിനം തോറും വികസിച്ച് വരികയാണ്. കോളേജ് അല്ലെങ്കിൽ സ്കൂൾ തലത്തിൽ കായിക വിനോദം കളിക്കുന്നത് ഇനി ഒരു ഹോബി മാത്രം അല്ല. ഇത് ശാരീരിക ക്ഷമത വർധിപ്പിക്കാൻ ഉപയോഗിക്കുകയും ആരോഗ്യമുള്ള ഭാവി രൂപപ്പെടുത്താനും കഴിയും എന്നതാണ്. അതുകൊണ്ട് തന്നെ ഈ മേഖലയിലെ കരിയറിനും സാധ്യതകൾ ഒരുപാടുണ്ട്.
ഫിസിക്കൽ എഡ്യൂക്കേഷനിലൂടെ കായിക വിനോദങ്ങൾ ഏറ്റെടുക്കാൻ ആളുകളെ പ്രചോദിപ്പിക്കുകയും, സ്പോർട്സ് മെഡിസിനെ കുറിച്ചും, വ്യത്യസ്ത പരിശീലന ആവശ്യകതകളെ കുറിച്ചും, മനസ്സിലാക്കി ആളുകൾക്ക് പരിശീലനം നൽകാം.
ഒരു കളിക്കാരനെന്ന നിലയിൽ സേവനം ചെയ്യുന്നതൊഴിച്ചാൽ ഈ രംഗത്ത് പ്രവർത്തിക്കാൻ വേറെയും നിരവധി ഓപ്ഷനുകൾ ഉണ്ട്. കായിക രംഗത്ത് അഭിനിവേശമുള്ള ഒരു ഉദ്യോഗാർത്ഥിക്ക് കോച്ച്, ടീം മാനേജർ/സ്പോർട്സ് മാനേജർ, ഫിറ്റ്നസ് പരിശീലകൻ, അത്ലറ്റിക് പരിശീലകൻ, സ്പോർട്സ് ജേർണലിസ്റ്റ്, ഫോട്ടോഗ്രാഫർ എന്നിങ്ങനെ ജോലി ചെയ്യാം. സജീവമായ പ്ലേയിൽ നിന്ന് വിരമിച്ചാൽ അംപയർമാർ, റഫറിമാർ തുടങ്ങിയ ജോലികളിൽ സംതൃപ്തമായ ജോലികളും പ്രതീക്ഷിക്കാം.
അതുപോലെ തന്നെ സ്പാസ്, യോഗ കേന്ദ്രങ്ങൾ എന്നിവ ഉയർന്നു നിൽക്കുന്ന ഒരു രാജ്യത്ത്, അത്തരം സ്ഥലങ്ങളിൽ ജോലിക്ക് വൈദഗ്ധ്യം ഉപയോഗപ്പെടുത്താവുന്നതാണ്. ക്രയോതെറാപ്പി, തെർമോതെറാപ്പി, ഇലക്ട്രോമാഗ്നറ്റിക് തെറാപ്പി തുടങ്ങിയവയിലും തെറാപ്യൂട്ടിക് മോഡാലിറ്റികളെ കുറിച്ചും മികച്ച അറിവുള്ളതിനാൽ ഫിസിക്കൽ എജ്യുക്കേഷൻ ആൻഡ് സ്പോർട്സ് രംഗത്ത് പ്രൊഫഷണലുകൾക്കായി ആളുകൾ ഇന്ന് അന്വേഷിക്കുന്നു. പരിശീലനം ലഭിച്ച ഫിസിക്കൽ എജ്യുക്കേഷൻ ഉദ്യോഗസ്ഥർക്ക് പ്രത്യേക റിക്രൂട്ട് മെന്റ് ഡ്രൈവുകളുള്ള പ്രതിരോധ, പോലീസ് സേവനങ്ങളിൽ മുൻഗണന ലഭിക്കും.
ഹയർ സെക്കണ്ടറി വിദ്യഭ്യാസത്തിന് ശേഷം ബിരുദമായും ബിരുദാനന്തര ബിരുദമായും ഡിപ്ലോമയായുമെല്ലാം ഫിസിക്കൽ എഡ്യൂക്കേഷൻ പഠിക്കാം. പി എച് ഡി കോഴ്സുകളും ലഭ്യമാണ്.
- Diploma in Physical Education (D.P.Ed)
- Bachelor of Physical Education (B.P.Ed)
- Master of Physical Education (M.P.Ed)
- PHD in Physical Education
എന്നിങ്ങനെ പഠിക്കാം.
ഇന്ത്യയിലെ പ്രമുഖ കോളേജുകൾ
- Lakshmibai National College of Physical Education, Thiruvananthapuram
- Lakshmibai National College of Physical Education, Gwalior
- Indira Gandhi Institute of Physical Education and Sports Sciences (IGIPESS)
- Chandrashekhar Agashe College of Physical Education, Pune
- Department of Sports Shivaji University, Kolhapur
- Sadguru Education Society’s College of Physical Education – Jalgaon, Maharashtra
- Guru Govind Singh Sports College Lucknow
- VNS College of Physical Education & Management Studies Bhopal
- Amity School of Physical Education and Sports Sciences, Noida
