സ്‌കില്‍ ഡവലപ്‌മെന്റ് സെന്ററില്‍ വിവിധ കോഴ്‌സുകള്‍ക്കുള്ള പ്രവേശനം ആരംഭിച്ചു

കോഴിക്കോട് ജില്ലാ പഞ്ചായത്ത് സ്‌കില്‍ ഡവലപ്‌മെന്റ് സെന്ററില്‍ വിവിധ കോഴ്‌സുകള്‍ക്കുള്ള പ്രവേശനം ആരംഭിച്ചു. അഡ്വാന്‍സ്ഡ് ഡിപ്ലോമ ഇന്‍ ഐ.ടി. എനേബ്ള്‍ഡ് ഫാഷന്‍ ഡിസൈനിങ്ങ്, അഡ്വാന്‍സ്ഡ് ഡിപ്ലോമ ഇന്‍ അക്കൗണ്ടിങ്ങ് വിത്ത് ടാലി ഓണ്‍ലൈന്‍ സര്‍ട്ടിഫിക്കേഷന്‍, അഡ്വാന്‍സ്ഡ് ഡിപ്ലോമ ഇന്‍ കമ്പ്യൂട്ടര്‍ ഹാല്‍ഡ്‌വെയര്‍ & നെറ്റ്‌വര്‍ക്കിങ്ങ്, ഗ്രാഫിക് ഡിസൈനിങ്ങ്, ഡി.ടി.പി, വെബ് ഡിസൈനിങ്ങ്, ഡാറ്റാ എന്‍ട്രി എന്നീ ഐ.ടി. കോഴ്‌സുകളും സോളാര്‍ ടെക്‌നീഷ്യന്‍, ഇലക്ട്രിക്കല്‍ ടെക്‌നീഷ്യന്‍, വയര്‍മാന്‍ ലൈസന്‍സിങ്ങ്, റഫ്രിജറേഷന്‍ & എയര്‍കണ്ടീഷനിങ്ങ് എന്നീ ടെക്‌നിക്കല്‍ കോഴ്‌സുകള്‍ക്കുമാണ് പ്രവേശനം. പത്താംതരം പാസ്സായവര്‍ക്കും അപേക്ഷിക്കാം. പ്ലസ്ടു കഴിഞ്ഞവര്‍ക്ക് മുന്‍ഗണന. സീറ്റ് ഒഴിവനുസരിച്ച് ജൂണ്‍ 20 വരെ പ്രവേശനം നല്‍കും.  ക്ലാസ്സുകള്‍ ജൂണ്‍ 21 ന് ആരംഭിക്കും. ഫോണ്‍ നമ്പര്‍: 0495 2370026.